 | Güclü selin vurduğu Pakistan indi də fəlakətin fəsadlarında qurtulamağa çalışır |
Pakistanı yerlə yeksan edən və 500-dən çox insanın ölümünə yol açan güclü sel milyonlarla insanı da yurd yuvasından didərgin salıb. Hələlik bu rəqəmin 3 milyonu keçdiyi bildirilir. Ölkənin şimali qərbində yaşayan əhali su səviyyəsinin yüksəlməsindən ehtiyatlanaraq hündür yerlərə daşımırlar. Amma fəlakətdən ən çox ziyan çəkən 25 il əvvəl Pakistana gələn qaçqınlardır. Yol kənarlarında yaşamağa adət edən qaçqınlar yenə evsiz eşiksiz qalıblar. Birləşmiş Millətlər Təşkilatı o cümlədən, bir sıra ölkələri təmsil edən yardım korpusları müvəqqəti sığınacaq üçün əhaliyə çadırlar, həmçinin ərzaq məhsulları paylayır. Amma fəlakətin miqyası nəzərə alındıqda bu yardımda yetərsiz qalır. Sel suları bütün yolları və nəqliyyatı iflic etdiyindən insanlar arasında əlaqə də xeyli çətinləşib. Mütəxəssislər, Amusson yağışlarının aramsız davam edəcəyi təqdirdə, ölkənin cənubunda da sel təhlükəsinin qaçılmaz olacağından narahatdırlar. | |
MESAFE
