 | Rusiyanın Krasnodar əyalətində uçan eşşəyin işi araşdırılır |
O yəqin ki, dünyanın ən məşhur minik heyvanıdır. Çəkildiyi qəribə reklam çarxından sonra mübahisəli reaksiyalar doğuran video, heyvansevərləri hərəkətə gətirib. Hətta İngiltərənin The Sun qəzeti ulağın hüquqlarını müdafiə etmək üçün nümayəndəsini göndərib. Video internetdə yayıldıqdan sonra eşşəyi reklama çəkdirən biznesmenə qarşı heyvanla qəddar rəftara görə cinayət işi açılmışdı. Ancaq baytarlar heyvanın səhhətinin yerində olduğu barədə qərarını açıqladıqdan sonra cinayət işinə xitam verilib. İşlə bağlı həftə sonu yekun qərar qəbul olunacaq. Rusiyalı iş adamları müştəri cəlb etmək məqəsdiylə eşşəyi paraşütlə havaya uçurmuşdular. Katerin çəkdiyi paraşüt 40 metr hündürlükdə təxminən yarım saat uçub. İzləyicilərdən heç biri bu biyabırçılığa son qoymağa cəhd belə etməmişdi. | |
MESAFE
